Haustmaraþon fer fram laugardaginn 27. október og hefst keppni í heilu maraþoni klukkan 09.00 en hálfu maraþoni 10.30. Ræst verður við stokkinn í Elliðaárdal og hlaupið um Fossvogsdal og Ægisíðu eins og undanfarin ár. Tveir hringir fyrir heilt þon en einn fyrir hálft.
Í hálfu maraþoni getur fólk keppt sem par og fær fljótasta parið sérstök verðlaun, eins og undanfarin ár. Takið fram við skráningu í hálft hvort um par sé að ræða. Par er karl og kona (ef einhver er ekki viss). ATH: Annars er þetta fyrst og fremst keppni í hálfu maraþoni!! Einstaklingar eru hvattir til að skrá sig.
Við endamark fá keppendur í heilu þátttökupening en keppendur í hálfu fá nælu.
ATH: Verðlaunaafhending fer fram við hátíðlega athöfn kl. 13.00. Þá verða útdráttarverðlaun dregin út og afhent þeim sem eru á staðnum.
ATH: Þeir sem áætla að vera lengur en 5 tíma á leiðinni geta hafið keppni klukkan átta um morguninn.
Skráning er í umsjón ritara og fer fram á síðu FM: www.malbein.net/blog . Skráið ykkur í athugasemdakerfið.
og einnig má senda ritara tölvupóst á gisli@internet.is.
Þátttökugjald
Þátttökugjald er 2000 fyrir heilt maraþon og 1000 fyrir hálft. Greiðið vinsamlegast inn á reikning ritarans, 1101-05-036036, kt. 280555-4879.
Greiðsla jafngildir skráningu. Númer er hægt að sækja á kontór ritarans að Brautarholti 28, 3. hæð sk.v umtali (sími 5621745) eða hirða þau við rásmarkið passlegum tíma fyrir hlaupið ef um það semst.;)
Skráið ykkur í athugasemdakerfið. Einnig má senda ritara póst. Netfangið er gisli@internet.is
SKRÁNINGU LÝKUR Á HÁDEGI 23. OKTÓBER!!
Drykkjarstöðvar eru við mark, Nauthólsvík og á snúningspunkti.
Starfsmenn: Við endamark og ræsingu: Kristján Ágústsson og Guðmundur Magni sjá um tímatöku og tilheyrandi. Ritarinn sér um skráningu og verðlaunaafhendingu og gengur í önnur verk ásamt Stefáni Erni sem er kamarstjóri og tjaldmaður.
Nauthólsvík. Stöðvarstjóri er Haraldur Haraldsson. Með honum Pétur Frantzson ef að líkum lætur.
Snúningspunktur á Ægisíðu. Umsjón með honum hefur Elín Reed.
Verðlaunaafhending verður kl.1300 við endamarkið í umsjón starfsmanna sem þar eru: Útdráttarverðlaun eru í umsjón Elínar Reed og afar vegleg að vanda.
Fyrir fyrstu þrjá karla og konur í heilu eru merktir Hummelgallar og slegin verðlaun. Fyrstu þrír karlar og konur í hálfu maraþoni fá bikar og medalíur. Keppendur í hálfu fá nælu með merki félagsins í lok hlaups.
Útdráttarverdlaun.doc Sækið og skoðið.
