Félag maraþonhlaupara

Maraþonhlauparar á Íslandi

Klámhundur…
Það verður að gera fleira en gott þykir. Þetta sagði amma sáluga við mig fyrir margt löngu þegar ég var verkatregur einu sinni sem oftar. Þegar var ákveðið að höfða til þeirra sem hafa gaman af síðkvöldaklámi og þjóna þessum hópi með viðeigandi myndefni varð auðvitað að þýða þessi fáu orð sem hálfnaktar mannvitsbrekkurnar á skjánum létu út úr sér. Þýðendahópurinn hjá Norðurljósum er ekki stór og auðvitað hlaut að koma að okkur félögunum á Laugaveginum.
Til allrar lukku voru handritin álíka þunn og söguþráðurinn og alltaf merkt við hvar samfarasena byrjaði og endaði. Í venjulegri 73 mínútna mynd eru slíkar senur að jafnaði 7 og stendur hver yfir í 4-10 mínútur. Yfir senunum er spilað svokallað pornófönk, sem er aðeins leiðinlegra en lyftutónlist.
Við lærðum fljótlega þá vinnutækni að þýða handritið fyrst, bera síðan saman við spóluna og hraðspóla á mesta hraða yfir samfarirnar. Með þessari aðferð var sett hraðamet sem stendur enn, 45 mínútur á heila mynd. Að vísu var mjög lítið sagt en mikið riðið í þeirri ræmunni.
Þar sem maður fær borgað visst gjald á hvern skjátexta kom stundum til umræðu að þýða stunurnar og búkhljóðin. Það kom að sjálfsögðu ekki til greina en samt hef ég séð það hjá ofursamviskusömum þýðanda. Afskaplega gott fyrir heyrnarlausa og við nánari umhugsun ætti þetta að vera sjálfsagt.
Í fyrstu merkti ég mínar myndir eins og venja er í þessum bransa en það er löngu liðin tíð. Eftir að þokkalega aldraður einstaklingur í fjölskyldu minni sagði glaðbeittur að hann hefði nú verið að horfa á hugverk mitt eitthvert miðvikudagskvöldið og haft gaman af. Hann nefndi ekki hvað hefði haldið honum við skjáinn en í það skiptið kom aðeins ein mynd til greina.
Nú hefur þetta mál verið leyst. Miðaldra undirverktaki okkar er skrifaður fyrir mestöllu draslinu og gerir það með glöðu geði. Hann hefur hvort sem er engu að tapa á mannorðssviðinu.

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s

Information

This entry was posted on 15. desember 2003 by in Almennt efni.

Leiðarkerfi

%d bloggurum líkar þetta: